Hei alle i Kairos.
Som mange veit skal eg vere i Elfenbeinskysten i februar.
Eigentleg skulle eg vere med å undervise på bibelkurs for dei kristne mahouane, slik eg var med på i 2007 og 2008. Men i år vart det så få påmeldte at kurset vart avlyst.
Det vart bestemt at vi, Knut Heng som er leiar for arbeidet og bur i Mali, og eg heller reiser nordover til Touba-området for å besøke dei kristne der. På grunn av krig i landet har der ikkje vore misjonærar anna enn på korte besøk sidan 2002.
Vi håper med dette besøket å kunne få god tid til å prate med folk, finne ut av ting. Mykje vondt har hendt i samband med krigen, også mellom dei har kalla seg kristne. Konflikter mellom dei truande tappar veldig for krefter. Nokre er sikkert skuffa over at misjonen ikkje har gjort meir. Og kva med dei andre som bur i området? Korleis ser dei på arbeidet til misjonen?
Det blir viktig no å få eit rett bileta av korleis det eigentleg står til slik at misjonen kan ta det med i planlegginga av det vidare arbeidet. Kva er det behov for? Kva oppgåver må misjonærane gå inn i når det vert å trygt å vere i området att? Har vi økonomi til å sende nokon?
Og så håper eg at vi desse vekene også kan vere med å sette mot i dei truande, at dei ikkje er gløymde, at ungdomar i Norge ber for dei.
Eg gler meg til å treffe igjen Pastor Pierre som nokre av dykk kjenner, og mange andre som eg kjenner. Nokre trefte eg i fjor og i 2007, men mange har eg ikkje sett på nesten 9 år.
Her er første plassen vi budde Afrika. Skal bli spennande å kome tilbake.
Kan vi rekne med at der er nokre Kairosar som ber og gir?
http://www.nlm.no/index.php?pid=152§ion=hierarchy
Her kan dere se litt fra Afrika. og lese littom Prosjekte.
Helsing Oscar
Ingen kommentarer:
Legg inn en kommentar